கொழும்பு உட்படப் பல மாவட்டங்களுக்கு தீவிர இடி எச்சரிக்கை

இயற்கை அபாய முன்னெச்சரிக்கை மையம் விடுத்துள்ள அறிவித்தலின்படி, பல பிரதேசங்களில் மதியம் மற்றும் இரவு நேரங்களில் தீவிர இடியுடன் கூடிய மழை எதிர்பார்க்கப்படுகிறது. இந்த எச்சரிக்கை சனிக்கிழமை (7) பிற்பகல் 1.00 மணி முதல் ஞாயிறு (8) அதிகாலை 1.00 மணி வரை அமுலில் உள்ளது.

கொழும்பு, கம்பஹா, களுத்துறை, காலி, அம்பாந்தோட்டை, மாத்தறை, கண்டி, மாத்தளை, நுவரெலியா, பதுளை, இரத்தினபுரி, கேகாலை, குருணாகல், புத்தளம், மன்னார், மொனராகலை மற்றும் வவுனியா மாவட்டங்களின் அனைத்துப் பிரதேச செயலர் பிரிவுகளுக்கும், அனுராதபுரம், அம்பாறை, கிளிநொச்சி, முல்லைத்தீவு, பொலந்நறுவை மாவட்டங்களின் சில பிரதேசங்களுக்கும் இந்த எச்சரிக்கை பொருந்துகிறது.